قبل ما اسافر وتنسى جيت اسلم عليك..,,"..!

قبل اسافر وتنسى جيـت اسلـم عليـك
جيت ابي عمري اللي اكتشفتـه غـدى
ضاعت اجمل سنيني من عمايل يديـك
اكذب ان قلت راحت لاجل عينك فـدى
فرصة العمر قالـوا لاغـدت ماتجيـك
جتني اكثر فرص عمري وضاعت سدى
جرب الخوف مره حـس بـه يعتليـك
وارفع الصوت ماتسمع لصوتك صـدى
تدري اللـي ذبحنـي قولتـك ماابيـك
مابقالـي لثـاري لـو بغيتـه مــدى
ماهقيـت المشاعـر كلهـا ترتجـيـك
قل لها بالمفـارق منهـو اللـي بـدى
هـاك دمعـة عيـون باكيـه تشتكيـك
هاك ريح ضميرن مااستـراح وهـدى
ماتناظر عيونـي زول هـذي وهذيـك
مايهـز المسامـع اسـم ريـم وهـدى
قلت ماعادلي رغبـه وشوفـات فيـك
قلت يانفـس طيبـي يفرحـون العـدى
**قلت عايف ونفسي بالخفـا تشتهيـك
عزة النفس تدري طيـب ماهـي ردى
خل عينك تهـل دموعهـا وش عليـك
انت خدك ورود ودمـع عينـك نـدى